Gujarat Education Board: ગુજરાત શિક્ષણ બોર્ડ દ્વારા નવા શૈક્ષણિક કેલેન્ડરની જાહેરાત કરી દેવામાં આવી છે. વર્ષ દરમિયાન વિદ્યાર્થીઓને 21 દિવસનું દિવાળી તો 35 દિવસનું ઉનાળું વેકેશન મળશે.
CBSE બોર્ડની સ્કૂલોમાં મીની વેકેશન પૂર્ણ થતાં ફરીથી સ્કૂલોમાં શૈક્ષણિક વર્ષ 2023-24નું સત્ર શરૂ થયું છે. આજથી સ્કૂલો શરૂ થઈ છે. ધોરણ 1થી 12ના તમામ વર્ગ શરૂ કરવામાં આવ્યા છે. જોકે 1 મહિના બાદ ફરીથી CBSEની સ્કૂલમાં ઉનાળા વેકેશન શરૂ થશે. CBSE બોર્ડની ધોરણ 10 અને 12ની પરીક્ષા પણ 31 માર્ચે જ પૂરી થઈ છે.
પરીક્ષા પૂર્ણના બીજા દિવસથી કેટલીક સ્કૂલ શરૂ
CBSE બોર્ડની સ્કૂલમાં ધોરણ 10 અને 12ની પરીક્ષા 14 ફેબ્રુઆરીએ શરૂ થઈ હતી. દોઢ મહિના સુધી એટલે 31 માર્ચ સુધી પરીક્ષા ચાલી હતી. 21 માર્ચે ધોરણ 10ની પરીક્ષા પૂરી થઈ છે, જ્યારે ધોરણ 12ની પરીક્ષા 31 માર્ચે પૂરી થઈ છે. પરીક્ષા પૂર્ણ થતાં બીજા દિવસથી કેટલીક સ્કૂલ શરૂ થઈ હતી. જ્યારે આજથી તમામ CBSE ની સ્કૂલ શરૂ થઈ છે, જે 1 મે સુધી ચાલશે ત્યારબાદ CBSE ની સ્કૂલમાં પણ વેકેશન આપવામાં આવશે.
7 જૂન સુધી CBSEની સ્કૂલોમાં વેકેશન રહેશે
CBSE બોર્ડની સ્કૂલોમાં માર્ચ મહિનાની શરૂઆતમાં સ્કૂલની પરીક્ષા પણ પૂર્ણ થઈ હતી. ધોરણ 10 અને 12ની બોર્ડની પરીક્ષા ચાલુ હતી, જેથી અન્ય વર્ગના વિદ્યાર્થીઓને વેકેશન આપવામાં આવ્યું હતું. 31 માર્ચ સુધી CBSEની સ્કૂલમાં વેકેશન હતું, જે આજે પૂર્ણ થતાં ફરીથી સ્કૂલ શરૂ થઈ છે. 1 મે સુધી સ્કૂલ ચાલશે ત્યારબાદ CBSEની સ્કૂલમાં ગુજરાત બોર્ડની સ્કૂલની જેમ વેકેશન રહેશે. 7 જૂન સુધી CBSEની સ્કૂલોમાં વેકેશન રહેશે, ત્યારબાદ ફરીથી CBSEની સ્કૂલ શરૂ થશે.
ગાંધીનગરઃ વર્તમાન શૈક્ષણિક વર્ષ પૂર્ણ થવાની સાથે ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા આગામી શૈક્ષણિક વર્ષ એટલે કે વર્ષ 2023-2024નું કેલેન્ડર જાહેર કરી દેવામાં આવ્યું છે. શિક્ષણ બોર્ડ દ્વારા ધોરણ 10 અને 12ની પરીક્ષાની તારીખો, દીવાળીની રજાઓ, ઉનાળુ વેકેશન સહિત તમામ તારીખો જાહેર કરી દેવામાં આવી છે.
ગુજરાત માધ્યમિક અને ઉચ્ચતર માધ્યમિક શિક્ષણ બોર્ડે જાહેર કર્યું કેલેન્ડર
ગુજરાતના શિક્ષણ બોર્ડ દ્વારા આપવામાં આવેલી માહિતી નવું શિક્ષણ સત્ર 5 જૂનથી શરૂ થશે અને 8 નવેમ્બર સુધી પ્રશમ સત્ર રહેશે. એટલે કે પ્રથમ સત્રમાં 124 દિવસનો અભ્યાસ કરવાનો રહેશે. ત્યારબાદ 21 દિવસનું દીવાળી વેકેશન 9 નવેમ્બરથી શરૂ થશે. ત્યારબાદ 30 નવેમ્બરથી બીજા સત્રનો પ્રારંભ થશે. નવા શૈક્ષણિક વર્ષમાં વિદ્યાર્થીઓને કુલ 80 દિવસની રજાઓ મળશે.
ક્યારે શરૂ થશે પરીક્ષા
રાજ્યના શિક્ષણ વિભાગ દ્વારા આપવામાં આવેલી માહિતી પ્રમાણે ધોરણ 10 અને 12ની બોર્ડની પરીક્ષા 11 માર્ચથી શરૂ થશે. જ્યારે 28 માર્ચે પૂર્ણ થશે. ધોરણ 12 સાયન્સની પ્રાયોગિક પરીક્ષા 19 ફેબ્રુઆરીથી શરૂ થશે. તો પ્રથમ સત્રની પરીક્ષા 3 ઓક્ટોબરથી લેવાશે.